16 снежня адбыўся Дзень адчыненых дзвярэй, прысвечаны пытанням развіцця маўлення. Мерапрыемства адкрыла загадчык І.С.Сяменава, якая адзначыла, што пасродкам маўлення адбываецца сацыялізацыя асобы, засваенне інфармацыі аб навакольным свеце. Пры дапамозе маўлення дзіця будуе сувязі з іншымі выхаванцамі, дарослымі. Таму так важна займацца маўленчым развіццем дзіцяці. Бацькі мелі магчымасць убачыць работу педагагічных работнікаў і наведалі адкрытыя заняткі ў сярэдняй групе “Пчолкі”, якія праводзіла выхавальнік дашкольнай адукацыі В.У.Калацкая. Заняткі ў аб’яднанні па інтарэсах “Говоряшки” на тэму “Посуд” прадставіла настаўнік-дэфектолаг Ю.У.Бяляева. Для бацькоў і педагогаў настаўнік-дэфектолаг М.У.Абадоўская дала майстар-клас “Навучанне без пакуты: развіваем маўленне легка і проста”. Прысутныя азнаеміліся з выставай дыдактычных гульняў па развіцці маўлення. Усе жадаючыя мелі магчымасць задаць пытанні, атрымаць практычныя рэкамендацыі.
