30 мая прайшло выніковае сумеснае з бацькамі мерапрыемства – ІТ-батл “Падарожжа ў краіне Логікі”. Каманды “Айцішнікі”, “Умняшкі”, “Вяселыя логікі” спаборнічалі ў кемлівасці, дзеці замацоўвалі атрыманыя ў аб’яднанні па інтарэсах “Інфарматыка без разеткі” навыкі. І дзеці, і бацькі паспяхова справіліся з усімі заданнямі, развіталіся з катом Алесікам. Дзеці атрымалі сертыфікаты аб навучанні, а бацькі – медалі за садзейнічанне ў рэалізацыі сумеснага з Паркам высокіх тэхналогій праекта “Інфарматыка без разеткі”. Удзельнікі мерапрыемства атрымалі зарад бадзерасці і добрага настрою.